إعلانات Zone 4B

[CLOSE]

إعلانات Zone 3B

[CLOSE]
أحدث الأخبار:

إعلانات Zone 2B

[CLOSE]
الرئيسية | لبنان | ميقاتي أمام حشود "العزم": معكم لا مكان للخسارة

ميقاتي أمام حشود "العزم": معكم لا مكان للخسارة

آخر تحديث:
image
الكاتب:
عدد المشاهدات: 818
قيّم هذا المقال/الخبر:
1.50
حجم الخط: A+ A-
نسخة صالحة للطباعة   نسخة نصية   أرسل إلى صديق

إعلانات Zone 6B

أكد الرئيس نجيب ميقاتي في كلمته خلال مهرجان انتخابي ضخم في طرابلس للائحة "العزم"  أن كل صوت في 6 أيار سيحسم النتيجة، متوجهاً للحشود التي ملأت ساحة الحدادين في منطقة الضم والفرز بالقول: "معكم سنخوض معركة استقلال القرار الطرابلسي والشمالي ضمن القرار الوطني ومعكم لا مكان للخسارة بل لا مجال إلا للربح، واذا كنتم بالنسبة لهم مجرد ارقام فأنتم بالنسبة لنا أهل الوفاء، يا أبناء طرابلس اتحدوا ليس لديكم ما تخسروه الا الاوصياء عليكم".

وتوجه ميقاتي للرئيس سعد الحريري بالقول: "لدينا حسرة في قلوبنا أنكم لا ترون طرابلس إلا صندوق بريد وتنسونها عندما تكونون في السلطة فكن أكيداً ان حرصنا الاول والاخير هو حفظ موقع رئيس الحكومة كائناً من كان الرئيس".

وقال ميقاتي: " كفى تهميشاً للموقع السني الاول في لبنان وممنوع اضعاف المؤسسات الدينية السنية واستغلال السلطة لأمور شخصية".

وسأل ميقاتي "كيف لهذه الانتخابات أن تكون ديمقراطية والحكومة كلها مرشحة ونقول لهم "عملوا لطالع بأيدكم" فلن نخاف ولن نتراجع".

وعن سياسة النأي بالنفس قال ميقاتي: "نحن الذين بدأناها وهي التي حمت  لبنان من حروب المنطقة وأعدكم أن نستمر يد واحدة وسنبذل كل الجهود والطاقات في السياسة والانماء".

وعن طرابلس أشار ميقاتي الى ان "فوز   لائحة العزم سيقوي الشمال لان هذه المدينة التي حملت اسم العلم والعلماء من حقها ان تحمل اسم التنمية والانماء، فلنضع أيدينا بأيدي بعض حتى نواجه الحرمان والاهمال ونقول للسلطة ان طرابلس لديها كتلة قوية".

 

 

 

وجاء في نص كلمة الرئيس ميقاتي:

اهلي واحبائي ، يا اهل العزم

يا أهل طرابلس، حبيبة القلب وارض الاهل والاجداد والعصية  دايما على الغزاة ،

يا اهل القلعة اللي بقيت حامية عروبتنا وهويتنا وعزتنا على كتف المتوسط.

يا اهل الفيحاء اللي رهانا دايما على الدولة وسيادتا

يا اهلي واخواني 

تقصدنا نعمل مهرجاننا بعيد العمال لانو هالعيد بيحمل كل المضامين اللي بتخلي الانسان يشعر بوجودو وقيمتو.

وهلق قرّب الاستحقاق اللي كلنا ناطرينو لنقول  كلمتنا ونعيد لطرابلس قرارا وللمنية عزتا وللضنية عنفوانا وشموخا.

بيسألوني ليش عم تحكي كتير عن طرابلس والمنية والضنية

بقلن لأنو هالمنطقة بحاجة لاستنهاض وهيي بتحتاج لكل لبنان لتنهض.حطو ايديكن بايديي وايدين رفقاتي بلائحة العزم حتى نواجه الحرمان والاهمال ونقول للسلطة، أنو من اليوم رايح طرابلس عندا كتلة قوية، وهالمدينة يلي حملت إسم العلم والعلماء، من حقا أنو تحمل بعد سبعة  أيار إسم مدينة التنمية والانماء.

منتوكل ع الله وعليكن، ومنقول: معكن ما في مطرح للخسارة . معكن ما في مجال الا للربح، والانتخابات رح تخلص بربح اكيد، والاكيد اني  باقي معكن العمر كلو باذن الله.

لائحة العزم إجت لتكون صرخة قوية بوج كل السياسات الماضية والتاريخية يلي مارسا وعم يمارسا أركان السلطة والنفوذ. ولتغيير هيدي السياسات لازم نكون سوا إيد وحدة.

انا بلاكن ما بقدر اعمل شي ومعكن بقدر اعمل كل شي . وطالما الله معنا وانتو معنا فينا نعمل كل المفروض ينعمل .

معكن رح نخوض معركة تحقيق إستقلالية القرار الطرابلسي ضمن القرار الوطني، لأننا وطنيين وطرابلسيين ومنآمن انو هيدي المدينة لؤلوة المتوسط بالجمهورية اللبنانية.

كرمال هيك

لما لائحة العزم رح تربح.. كرامتنا رح تتعزز، وعنفوانا رح يقوى، والشمال رح يرتاح.. ولما الشمال بيرتاح لبنان أكيد اكيد بيرتاح.

أحبائي بكل منطقة وكل حي بمدينتي الحبيبة وبكل قرية بالضنية  الابية وبالمنية العزيزة بقول

بدنا كتلة قوية

بدنا ثقتكن وصوتكن

بدنا ياهن لنوصل قوايا،

لنقدر نواجه يلّي منعونا نِـنْجُز ورغم ذلك حققنا .

نحنا اللي حمينا الاستقرار بلبنان لما كانت العاصفة عم تهب واستهداف البلد من برا ومن جوا كان هدف.

نحنا ابتدعنا  مبدأ النأي بالنفس يلي حفظ البلد من الانقسام ومن حروب المنطقة

نحنا حفظنا وتمسكنا بعروبة لبنان

نحنا اهل الوسطيّه والاعتدال

نحنا ما عنّا ازدواجيّة مصالح: لبنان وطرابلس واهلنا هني مصالحنا:انتو مصلحتنا الوحيدة وهيدا حقنا وحقكن علينا.

بوعدكن انو رح نستمر كلنا بايد واحدة.جهدي وامكانياتي وكل طاقتي رح ابذلا بالسياسة وبالانماء.

وفرنا بالماضي الكتير من فرص  العمل وباذن الله بالمستقبل القريب رح نؤمن اكتر. قولو الله.

من وقت ما بلشنا بالعمل السياسي ونحنا عم نواجه الافتراءات والاشاعات، والاتهامات.. بتعرفو ليش؟.. لأنو كان قرارنا دايما ندافع عنكن، ونصون كرامتكن، واليوم بعد ما شكلنا لائحة العزم، ما خلو اتهام وكذبة الا واخترعوها تا يشوهو سمعتنا.

ما خلو مسبة إلا وقالوها، وإذا كانت مسباتن بسبب محبتي إلكن ولطرابلس وللبنان  خليهن يسبوا قد ما بدن، ورح ضل حبكن قد ما بدي، وكتافي عراض وبتتحمل، وبتعرض اكتر لما بتكونوا حواليي وانا حواليكن. 

 

احبائي

بدعمكن  بستة ايار رح نرفع راية العزم

ممنوع حرمان طرابلس،ممنوع حرمان الضنية،والمنية وعكار وكل الشمال.

ممنوع يمتد الفقر اكثر

ممنوع نتنشق هواء ملوث وما يكون عنا كهربا متل كل العالم

ممنوع تنحرم منطقتنا من وظائف الفئة الاولى .

ممنوع انو تبكي ام على ابنا  الموقوف من دون محاكمة

ممنوع يتوقفوا ولادنا وشبابنا على الشبهة

ممنوع تستمر البطال…

إشترك في خلاصة التعليقات عدد التعليقات: (0 منشور)

المجموع: | عرض:

إكتب تعليق

البريد الالكتروني يبقى سرّي و لا ينشر
  • عريض
  • مائل
  • خط بالأسفل
  • إقتباس

- التعليقات الواردة من القراء هي مسؤولية أصحابها ولا تعبر عن رأي إدارة الموقع بالضرورة
- تتم مراجعة تعليقاتكم قبل نشرها عن طريق إدارة الموقع

- (سياسة نشر التعليقات)

تابعونا

أحدث الأخبار - لبنان

  1. دول خليجية تحذر رعاياها من السفر إلى لبنان (5.00)

  2. وفاة "ملكة الديسكو" دونا سمر عن 63 عاماً (5.00)

  3. معارض صيني ضرير بمطار بكين متوجهاً لنيويورك (5.00)

  4. الاكتئاب لدي المراهقين .. له إشارات يجب الانتباه لها (5.00)

  5. صحف العالم: أمريكا "تعاقب" باكستان بعدد سنوات سجن أفريدي (5.00)

  6. فيلم منتظر يكشف تفاصيل اغتيال بن لادن (5.00)

  7. أستراليا: التيار الوطني الحر في سيدني ينعي فقيده المفكر و المناضل والاعلامي المخضرم الأستاذ بطرس عنداري (5.00)

  8. الرحيل المفاجئ (5.00)