إعلانات Zone 4B

[CLOSE]

إعلانات Zone 3B

[CLOSE]
أحدث الأخبار:

إعلانات Zone 2B

[CLOSE]
الرئيسية | ثقافة | شعر وشعراء | أستراليا: عقل,جان وسايد مخايل... امراء شعراء المهجر بلا منازع!!

أستراليا: عقل,جان وسايد مخايل... امراء شعراء المهجر بلا منازع!!

آخر تحديث:
image
الكاتب:
عدد المشاهدات: 3606
قيّم هذا المقال/الخبر:
5.00
حجم الخط: A+ A-
نسخة صالحة للطباعة   نسخة نصية   أرسل إلى صديق

إعلانات Zone 6B

الشاعر عقل سليمان مخايل

من القصائد التي كتبها مؤخراً الشاعر سايد مخايل الذي يعرفه لبنان كله قبل أن يصل الى استراليا

من القصائد التي كتبها مؤخراً الشاعر سايد مخايل الذي يعرفه لبنان كله قبل أن يصل الى استراليا وله في المكتبات ٣ كتب هي الوصايا ١٩٨٣،وصياد ألبال ١٩٨٤ والجرح التالت ١٩٨٨. بيعت كتبه في لبنان أكثر ما بيع من دواوين شعرية في عشرات السنين في استراليا.

يشهد على وقفاته تلفزيون بجائزة الشعر عن الشمال في برنامج ليالي وجائزة الجيش اللبناني عن لبنان في العام ١٩٨٣ ومهرجان الشعر اللبناني الذي نظمته الكبيرة الراحلة مي المر حيث اشترك في المهرجان ٤٥ شاعرا من كبار شعراء لبنان فكان أن كتبت الصحافة عن الشاعر مخايل

" انه تميز بوهج افتقده سواه " طبعا الى جوائز ومقالات كثيرة عن الشاعر الكبير . كل هذا موثق لمن يريد ان يسمع ويرى .

 

الى روح الشاعر عقل سليمان مخايل خي الكبير يللي رحل عنا ب ١٥ شباط ٢٠١٤

كنت مقرر ما انشر شعري على face book لأنو بعرف انو السرقة ناشطة وما حدا بقا يعرف وين الصح . ولكن كمان لأنو ما حدا بيعرف اي متى بتدق ساعة رحيلو ، قررت اكتب ل عقل وأتذكر الوالد المعلم الشاعر جرجس سليمان مخايل.

 

الأرز مهما شاخ ما بيشيب

الشاعر إذا بيموت ما بيغيب

وعقل كان الأرز والشاعر

بشمخة الكلمه ونعمة التهذيب

أحكيلي شو حاسس انت ومسافر

وقديش حملت روحك مكاتيب

وقلي على أي دني مهاجر

ومن وين رايح تا القصيده تجيب

مبارح انا شفتك حلم طاير

ومن وين شاعر بعد فينا نجيب

من جبال بحويتا نسر هادر

يلحن شعر عا صوت المزاريب

وانت بنحت الشعر شاطر

بتدلق الكلمه معمده بالطيب

كنت عالمنبر وهج حاضر

وبيضل ذكرك عالوهج ذاتو

بكلمه وقصيده وشعر ما بيغيب

 

 

قلو ل بو عقل لغيبتو فقنا

واشتاقت الكلمه لأمير كبير

حد منو كتير.... حلقنا

وبغيبتو ما عا فينا نطير

نحن القصيده الصافيه عشقنا

وصرنا لها بغيبتو نواطير

ومتلك يا عقل القافية دفقنا

 

 

وفرخ ببحويتا الشعر عالشير

يا عقل نحنا وقت ما خلقنا

وطلت الغربه عالبيت بكير

كنا إذا عا بعضنا اشتقنا

نخبي الوجع بجناح العصافير

تعب الموت منا وما فرقنا

 

 

عا شمخة الكلمه الموت شو زغير

والموت قادر بس يحرقنا

لحظات بهالكون المزيف

يللي طفح بالكذب والتزوير!!!

 

 

لو كان يا عقل العمر باقي

ما بكيت بفراقك على فراقي

ولا كنت حسيت العمر ورقه

ومتلك انا عن توقع اوراقي

سرقنا البسمه من الزمن سرقه

بس الحزن ساكن باعماقي

وحزني عليك شعور بالفرقه

وعمري انا ما كشفت أشواقي

بعرف أنا انو العمر مرقه

وما في حدا به الدني باقي

ومهما بغيابك تكبر الحرق

بيبقى الامل نرجع لفرحتنا

لما منرجع بعضنا نلاقي

 

 

قصيدة اخرى لامير الشعر:

منا المشكله اكتب قصيدي

بس المشكله تضلي بعيده

وانا سهران من جرحي مقلق

وغير الليل ما بيسمع نهيدي

عمري صار عا كلمي معلق

تا نرجع نبتدي الرحله الجديدي

وبدك تعرفي وين صرت هلق

بعدك بالقلب والفكر ذاتو

والي اقرب من الدم بوريدي

 

 

انا خلقت ، القصيدي عم تغني

حدي ... والقوافي تمتحني

طفل زغير وقبلت التحدي

وعجنت الشعر اكتر ما عجني

وكنت شي سمعت ب رنة الردي

جيش لبنان تقديرو حضني

وصارت كلمتي لأبعد تودي

وبمكتبة الشعر ما خاب ظني

انا ما قلت مجد الشعر بدي

الشعر بياخد الامجاد مني

انا بي القصيدي الحرف جدي

وانتي نبضة حروف القوافي

ل خلتني انا ومجروح عني

 

 

وحاجي تهزهزي فيي وراقي

عن يهرو وأنا عالوعد باقي

ومهما ب غيابك تقهريني

ما خفت يوم لهفة اشتياقي

ضليتي بقسوي تكسريني

انكسر قلبي وما هزك افتراقي

وإذا انتي ما عدتي تذكريني

انا بشوفك أميرة ذكرياتي

وعايش عا أمل حلم التلاقي !


إشترك في خلاصة التعليقات عدد التعليقات: (0 منشور)

المجموع: | عرض:

إكتب تعليق

البريد الالكتروني يبقى سرّي و لا ينشر
  • عريض
  • مائل
  • خط بالأسفل
  • إقتباس

- التعليقات الواردة من القراء هي مسؤولية أصحابها ولا تعبر عن رأي إدارة الموقع بالضرورة
- تتم مراجعة تعليقاتكم قبل نشرها عن طريق إدارة الموقع

- (سياسة نشر التعليقات)

تابعونا

  1. دول خليجية تحذر رعاياها من السفر إلى لبنان (5.00)

  2. وفاة "ملكة الديسكو" دونا سمر عن 63 عاماً (5.00)

  3. معارض صيني ضرير بمطار بكين متوجهاً لنيويورك (5.00)

  4. الاكتئاب لدي المراهقين .. له إشارات يجب الانتباه لها (5.00)

  5. صحف العالم: أمريكا "تعاقب" باكستان بعدد سنوات سجن أفريدي (5.00)

  6. فيلم منتظر يكشف تفاصيل اغتيال بن لادن (5.00)

  7. أستراليا: التيار الوطني الحر في سيدني ينعي فقيده المفكر و المناضل والاعلامي المخضرم الأستاذ بطرس عنداري (5.00)

  8. الرحيل المفاجئ (5.00)